http://sharawy.net/vb/

Visitors since14 Decemder 2011

الخميس، يناير 20، 2011

ينصر دينك يا بطل



ينصر دينك يا بطل

قتلت ناس عُزًّل كتير

ستات، شيوخ وكمان عيال

ازحت عنا خطر كبير

دي ناس بتقول الله محبه

والمحبه دي شئ خطير

إقتل بطرس

وإقتل مينا

اللي إخواتهم

ماتوا معانا في سيناء

واللي ولادهم

رقصوا فـي فرحك

واللي فـي ميّتم

بيعزّونا

إقتل ماري

وطنط تريزا

دول ناس مافيهومشي ولا ميزه

دايمًا كده يبتسموا في وشك

ويقولوا اهلاً

خطوه عزيزه

وإقتل برضه

عمّك حنا

في اي خناقه

بيحوش عنّا

غاوي يصّلح

بين الناس

ولا يمكن

يوّرد على جنّه

وإقتل سامي ناجي نجيب

اصل الإسم صراحه مريب

يمكن يطلع واحد منهم

او داقق على إيده صليب

ولا اقولك...إضرب شبرا

والكيت كات وميدان الاوبرا

فجر واحده في كل مكان

خلّي جيرانهم يصبحوا عبره

لينا رب إسمه الكريم

ها يجي يوم تعرض عليه

تقف امامه و يسأل الشخص ده عملك إيه؟

بأي ذنب تقتله

وفين ومين وإزاي وليه؟

إبقى قول لي يا بطل

ها ترد يومها..

وتقول إيه؟



.......يحيا عنصري الأمة المصرية مصرنا الهلال مع الصليب وعمرك يامصر شمسك ماهتغي.